Ja-ngaja, Kumpulan Puisi Madura Zaitun

Ja-ngaja

Badha rassa ceccer ta' abundu'
Ekaromo' kerrong se re sa'are atamba
Ta' baluja ngontop eselbi'na seppe
Athoat-atallong ngolok sadaja mempe

Gun-paggun ta' aberri' bakto
Sakoni' loppa dha' loka
Se seggut agantong
Dhalem kabadhaan kasorang

Ja-ngaja ate mowang galimba'na
Aeng mata seggut gegger ta' epele
Seang ta' bu-ambu mekkere
Samalem benteng mele karettegga ate

Bibir pon ta' bisa abanta
Sakoni'-banynya' dha' bajanganna
Coma rassa sakadar enga'
Sadaja kerrong se egiba berka'

Bumi ben langngi' ta' ngistowangi
Sanajjan dika ban bula saleng emba
Saleng parcaja, saleng jaga
Duh bisa bakto e ulang pole?

Bulan Settong, 2023

Nyonyonson

Malem jum'at pon ma ondhung are
Bakto asar compet e konco' maghrib
Dhakandha etotop kalaban gella'
Mole dha' tong settongnga roma

Ngolgulla andhus ka loar dhari seppet
Ro'om minynyan daddi sa pas-pasan
Sampe' ka dhalem roma ro'omma paggun cekka'
Nandha'agi rabuna guste Kanjeng Nabi asareng babaja se laen

2022

Gu-laggu e amper

Rebba se ngaremmeng ebbun
Akadiya ngolmo'na kabunga'an
Ebakto esapa sambi' mesem
Katon buruwa ta' ning alang